“Ndeshja e Yjeve” në agjendën e komunës së Prishtinës për nder të Ditës së Çlirimit të kryeqyetit

17:51 | 10 Qershor 2025
D.H

Në nder të ditës së çlirimit të kryeqytetit, komuna e Prishtinës vazhdon traditën disa vjeçare për ta zhvilluar ndeshjen e futbollit e njohur si “Ndeshja e Yjeve”.

Ndeshja do të luhet nesër me fillim nga ora 20:00 në stadiumin “Fadil Vokrri”, shkruan Arbresh.info.

Përmjet një postimi në rrjetin social Facebook, komuna e Prishtinës ka falënderuar edhe dy yjet e kombëtares së Kosovës, Edon Zhegrovën dhe Milot Rashican, për prezencën e tyre në këtë sfidë.

“Falënderojmë Edon Zhegrovën dhe Milot Rashicën, që gjithmonë janë të gatshëm të jenë këtu për Prishtinën dhe publikun e Kosovës”, shkruhet në njoftim.

Ata gjithashtu kanë ftuar të gjithë qytetarët të bashkohen në këtë event ku pritet të ketë atmosferë fantastike./Arbresh.info